Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

د هرات ښوونکي د حکومت له نه پاملرنې څخه شکايت کوي

د هرات ښوونکي د حکومت له نه پاملرنې څخه شکايت کوي

By
On
Oct 07, 2017 - 19:28

هرات (پژواک،١٥تله٩٦): په هرات کې په داسې حال کې د ښوونکي ورځ ونمانځل شوه چې د دغه ولايت يو شمېر ښوونکي يې پر وړاندې له ډېرو ننګونو څخه شکايت کوي.

د ځمکو د نومرو نه وېش، کمه تنخوا، د ښوونکو د مياشتنيو حقوقو په ورکړه کې ځنډ او د امتيازونو نه شتون، هغه ستونزې دي چې د هرات ښوونځيو ښوونکي ترې شکايت لري او نن يې د ښوونکي ورځې د قدرونې د مراسمو په څنډه کې له حکومت په ځانګړې توګه د هرات له ځايي ادارې څخه وغوښتل چې د دوى ستونزو ته جدي پاملرنه وکړي.

په هرات کې د حياتي زده کړو د لېسې يوه ښوونکي حاجي ګل عازم پژواک خبري اژانس ته وويل: "د ښوونکو تر ټولو ستره ستونزه، د کور او د کمې تنخوا ستونزه ده؛ حکومت د ښوونکو د وضعيت په ښه کېدو کې هېڅ لاسته راوړنه نه لري."

د غلام محمد په نامه يوه بل ښوونکي هم پژواک ته وويل چې د يوه ښوونکي ډېر لوړ معاش اته زره افغانۍ دى چې دغه کم معاش د يوه ښوونکي لپاره بسنه نه کوي.

په ورته وخت کې د هرات د پوهنې مشر عبدالرزاق احمدي د ښوونکو پر وړاندې ننګونې تاييد کړې؛ خو ويې ويل چې د ښوونکو لپاره د زرو نومرو د قبالو چارې بشپړې شوي او ٥٠٠نورې به هم د هرات د والي له لاسليک وروسته پر ښوونکو ووېشل شي.

هغه د ښوونکو د تنخواګانو د وېش په بهير کې ځنډ ومانه؛ خو ډاډ يې ورکړ چې دغه ستونزه به ډېر ژر حل شي.

له بلې خوا د هرات ځايي اداره هم د ښوونکو د ستونزو د لرې کېدو په لړ کې د هڅو خبره کوي او وايي چې ښوونکو ته د ځمکو د قبالو د حل په موخه يو کميسيون جوړ شوى دى.

په هرات کې د ښوونځيو د ښوونکو ستونزه نوې نه ده، بلکې هغوى له څو کلونو را په دې خوا د حکومت د نه پاملرنې له امله شکايت کوي؛ خو د ښوونکو په وينا، حکومت هر ځل له دوى سره ژمنې کوي، خو پر خپلو ژمنو يې عمل نه دى کړى.

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update