Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

بلخ کې د زغم نړیواله ورځ ونمانځل شوه

بلخ کې د زغم نړیواله ورځ ونمانځل شوه

By
On
Nov 16, 2017 - 15:38

مزارشريف (پژواک، ۲۵ لړم ۹۶): د بلخ ولايت په مرکز مزارشريف ښار کې د زغم نړيواله ورځ ونمانځل شوه.

د يادې نمانځنې ګډنوالو وويل چې په افغانستان کې د قومونو، سياسي ډلو او مذهبونو تر منځ نه همغږي او د يو بل پر وړاندې نه زغم د هر اړخيزو ستونزو لامل دی.

ياده نمانځنه د لړم په ۲۵مه د افغانستان د غوره راتلونکې پراختيايي موسسې له خوا د لړم په ۲۵مه وشوه چې ديني عالمانو، مدني فعالانو او د پوهنتون استادانو په کې برخه اخيستې وه.

د يادې موسسې مسوولې مبينې اکبري پژواک خبري اژانس ته وويل، دوی درک کړې چې د افغانانو د بېلابېلو اړخونو تر منځ زغم او د يو بل د منلو درک کمزوری دی.

نوموړې زياته کړه، پر دې باور دي چې که چېرې د يو بل پر وړاندې زغم پيدا شي، نو افغانان به د ډېرو ټولنيزو او سياسي ستونزو د حل پر موندلو وتوانېږي.

ديني عالم امرالدين ايزديار غونډې ته د خپلو خبرو په ترڅ کې وويل چې اسلام له افراط او تفريط څخه لرې دين دی.

نوموړي زياته کړه: ((نو له همدې امله موږ بايد د يو بل پر وړاندې زغم وکړو.))

د هغه په وينا، په وړو وړو مسايلو کې د افغانانو يو بل ته نه تېرېدنه د دې لامل شوې چې په سترو بدبختيو واوړي.

د بلخ د ځوانانو چارو امر عظيم الحق عظيمي بيا وويل چې افغانان د قومونو، سياسي ډلو او ان د مذهبونو تر کچې د يو بل پر وړاندې زغم نه کوي.

نوموړي زياته کړه چې تر کومې چې دوی پر دغه هنر پوه شوي نه وي، نو له ستونزو سره به مخ وي.

د پوهنتون استاد محمد ياسين احسان وويل چې زغم، ټولنيز نږدېوالي ته لاره هواروي.

نوموړي زياته کړه چې که چېرې افغانان يو بل ته د زغم له لارې، په ټولنيزه توګه سره نږدې شي، نو د ډېرو سياسي ستونزو د حل لپاره به هم لارې ومومي.

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update