Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

په پنجوايي کې د ۳ کانالونو جوړولو چارې پیل شوې

په پنجوايي کې د ۳ کانالونو جوړولو چارې پیل شوې

By
On
Nov 20, 2017 - 11:46

کندهار (پژواک، ۲۹ لړم ۹۶): د کندهار په پنجوايي ولسوالۍ کې د درېیو کانالونو جوړولو چارې پیل شوې چې ۲۴۰زره امریکايي ډالر لګښت پرې راځي.

د کندهار ولایت مرستیال عبدالحنان منیب پژواک خبري اژانس ته وویل دغه درې کانالونه د دې ولسوالۍ په ناخوني او صلوات کلو کې د خلکو په غوښتنه جوړېږي.

هغه زیاته کړه، په دغو پروژو کې ۲ پلونه، ۵ د اوبو د وېش مرکزونه او ۲۸۵ متره استنادي دېوال هم شامل دي چې ټولټال ۲۴۰ زره ډالر لګښت پرې راځي او د فوډ زون پروګرام له لارې ورکول کېږي.

فوډ زون پروګرام په کندهار کې د نشه يي توکو د کښت او قاچاق د مخنيوي په موخه پلان شوى چې د امريکا د نړيوالې پرمختيايي ادارې USAIDinfo-icon له خوا تمويلېږي او ٢٠ ميليونه ډالر ورته ځانګړي شوي دي.

په دغه پروګرام کې د پرمختيايي پروژو پلي کول، د نشه يي توکو د کښت او قاچاق مخنيوى، کروندګرو ته د روا کښت زمينه برابرول، د نشه يي توکو د ناوړه پايلو په اړه د عامه پوهاوي زياتول او نور شامل دي.

منیب له خلکو وغوښتل چې روان کښت وکړي او د کوکنارو له کرلو ډډه وکړي.

د پنجوايي ولسوال حاجي فضل محمد اسحاقزي پژواک اژانس ته وويل، په پنجوايي ولسوالۍ کې د تېر په پرتله امنيتي وضعيت ښه شوى او په دې برخه کې تر ټولو ډېره همکاري خلکو کړې ده.

ده زياته کړه، دولت هڅه کوي د خلکو له غوښتنې سره سم د بیارغونې پروژې ډیزاین او عملي کړي، څو خلکو ته اسانتیاوې برابرې شي.

دی وايي، د خلکو عمده ستونزه د اوبو کمښت دی چې اوسمهال د دغو دریو کانالونو جوړول به د ډېرو خلکو ستونزې حل کړي.

دغه راز په دې ولسوالۍ کې د دریو ښوونځیو د ترمیم چارې هم پیل شوې.

د کندهار د پوهنې رییس انجنیر عبدالقادر پیوستون پژواک اژانس ته وویل، د پنجوايي د سلیمان ماکو، شابوزو او ملا حسن ښوونځي له ۳۰ هغه ښوونځيو دي چې د پوهنې رياست له خوا سږ کال ترميمېږي.

پیوستون زیاته کړه چې د دې تر څنګ به د دې ولسوالۍ پر ټولو ښوونځیو فرشونه او سپینې تختې هم ووېشل شي.

پنجوايي ولسوالۍ د کندهار ښار لوېديځ لوري ته په ٢٥ کيلومترۍ کې پرته ده.

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update