Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

" افغانستان کې له ښځو سره د تاوتريخوالي کچې نه بدلېدونکې شمېره د اندېښنې وړ ده"

" افغانستان کې له ښځو سره د تاوتريخوالي کچې نه بدلېدونکې شمېره د اندېښنې وړ ده"

By
On
Nov 25, 2017 - 17:25

کابل(پژواک، ٤ ليندۍ ٩٦): په افغانستان کې د ملګرو ملتونو او اروپايي ټولنې ادارې په هېواد کې له  ښځو سره د تاوتريخوالي کچې پر نه بدلون سخته اندېښنه څرګندوي او وايي چې په پراختيا، سوله او امنيت کې د ښځو د ظرفيت او استعداد غوړېدو لپاره بايد تاوتريخوالى پاى ته ورسېږي.

په افغانستان کې د ملګرو ملتونو مرستندويه دفتر(يوناما) وايي چې له هر ډول تعبيض نه د پاک ژوند لرل د هرې افغان ښځې او نجلۍ حق دى.

په افغانستان کې د ملګرو ملتونو ارګانونو نن له ښځو سره د تاوتريخوالي د نړيوالې ورځې د نمانځنې او د عامه پوهاوي لپاره د مهمو موضوعاتو په اړه د ١٦ ورځني فعاليت د کمپاين د پيل پرمهال ټينګار وکړ چې اوس هغه وخت را رسېدلى، څو دې موخې ته د رسېدو لپاره ټولې هڅې يو موټى شي.

د افغانستان لپاره د ملګرو ملتونو ځانګړي استازي تداميچي ياماموتو  وويل چې په افغانستان کې دې له ښځو سره تاوتريخوالى فورا ودرول شي. په پراختيا، سوله او امنيت کې دې د ښځو د ظرفيت او استعداد غوړېدو لپاره  د ښځو او نجونو د حقونو تر پښو لاندې کول په ځانګړي ډول تاوتريخوالى پاى ته ورسول شي.

سرچينه وايي چې  له ښځو سره د تاوتريخوالي نړيواله ورځ(د نومبر ٢٥مه) هر کال د ملګرو ملتونو له لوري نمانځل کېږي  او  همدارنګه د جنست پر بنسټ د تاوتريخوالي ضد نړيوال کمپاين چې ١٦ورځې فعاليت دى، د پيل ورځ ده.

 د سږني کال کمپاين ته د((هېڅوک يوازې مه پرېږدئ)) شعار غوره شوى چې د ملګرو ملتونو د ٢٠٣٠تلپاتې پراختيا د اجنډا اهميت منعکسوي چې  له مخې يې د ښځو او نجونو پر ړاندې په عمومي او خصوصي فضا کې د هر ډول تاوتريخوالي له منځه وړلو ته ژمن دي.

په افغانستان کې د ملګرو ملتونو دفتر وايي چې افغان دولت د ښځو چارو وزارت له لارې په افغانستان کې د ښځو او نجونو سره د تاوتريخوالي مسايلو د عامه پوهاوي او عدالت غوښتنې پروګرامونه تر سره کوي چې دا کمپاين به د بشري حقونو تر نړيوالې ورځې(١٠ ډسمبر ) پورې دوام ولري.

له بلې خوا په افغانستان کې اروپايي ټولنه وايي چې په دې هېواد کې  له  ښځو سره د تاوتريخوالي په کچه کې د بدلون نه راتګ داندېښنې وړ دى.

 په خبرپاڼه کې چې کاپي يې پژواک ته رسېدلې، راغلي چې ٢٠١٧کال د افغان ښځو لپاره يو سخت کال و، د افغانستان د بشري حقونو خپلواک کمېسيون د تازه شمېرو له مخې، په دې کال کې د نورو کلونو په پرتله له ښځو سره تاوتريخوالي کې بدلون نه دى راغلى.

سرچينې زياته کړې چې له ياد شوي کمېسيون سره د ښځو د تاوتريخوالي په اړه ثبت شوې شمېرې سختې د اندېښنې وړ دي چې منل يې ګران دي.

د ښځو پر وړاندې د تاوتريخوالي د له منځه وړلو د نړيوالې ورځې په مناسبت، په افغانستان کې د اروپايي ټولنې پلاوي له  ښځو سره د تاوتريخوالي د مخنيوي په برخه کې له افغان دولت نه د فوري او پام وړ اقداماتو غوښتنه کړې ده.

 په افغانستان کې د اروپايي ټولنې استازي او د پلاوي مشر پيري مايدون وويل:((په افغانستان کې له ښځو سره د تاوتريخوالي تازه شمېرې ډېرې ناهيلې کوونکې دي. د ښځو پر وړاندې د تاوتريخوالي له منځه وړل، د افغان دولت او نړيوالې ټولنې له عمده لومړيتوبونو دي او اړتيا ده چې په دې برخه کې ګړندي پرمختګونه رامنځته شي.))

هغه زياته کړه چې د ښځو د عمل، سولې او امنيت پروګرام بايد عملي شي، د سولې او ټاکنو په ګډون د ژوند ټولو سياسي او ټولنيزو برخو په ګډون پياوړى شي.

په خبرپاڼه کې راغلي چې د ښځو پر وړاندې د تاوتريخوالي او تبعيض له منځه وړل د اروپايي ټولنې د بشري حقونو د پاليسي عمده لومړيتوبونه دي، څو په ټوله نړۍ کې د ښځو او نجونو پر وړاندې تاوتريخوالى ختم شي.

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update