د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د فرانسې په طبي انسـټيټيوټ کې د سترګو او غاښونو څانګه پرانستل شوه

د فرانسې په طبي انسـټيټيوټ کې د سترګو او غاښونو څانګه پرانستل شوه

Nov 08, 2014 - 19:22

کابل ‌(پژواک، ١٧ لړم ٩٣): په کابل کې د ماشومانو لپاره د فرانسې په طبي انسـټيټيوټ کې د سترګو او غاښونو د څارنې څانګه پرانستل شوه.

په دې مراسمو کې چې د لړم په ١٧مه، ماښام مهال په کابل کې په لاره اچول شوي وو، د افغانستان اجرايه رييس ډاکټر عبدالله عبدالله، د عامې روغتيا وزيرې ثريا دليل، په کابل کې د فرانسې سفير، د اغاخان بنسټ استازو  او د ياد انسټيټيوټ مسوولينو برخه اخيستې وه.

د عامې روغتيا وزيرې وويل، چې دغه څانګه د فرانسې حکومت د ٤٧٥زره امريکايي ډالرو په مرسته جوړه شوې ده.

هغې زياته کړه، چې د سترګو او غاښونو  د درملنې او څارنې په دې څانګه کې په نړيواله کچه روزل شوي کسان په دندو ګومارل شوي دي.

د ياد روغتون سرپرست ډاکټر عبدالله فهيم پژواک اژانس ته وويل، چې په دې مرکز کې به په نړيواله کچه د غاښونو او سترګو د ناروغانو درملنه کېږي .

دى وايي، د درملنې ترڅنګ په دې څانګه کې د سترګو لپاره د عصري عينکونو پلورنځاى هم شتون لري.

د هغه په وينا، په راتلونکو ١٥ کلونو کې به په دې مرکز کې دوه سوه زره د روغتيايي مشورې، ٣٢زره د جراحۍ عمليات او ٦٦زره په نورو برخو کې درملنه وشي.

ډاکټر فهيم دغه راز وويل، چې د غاښونو په څانګه کې هم څلور تکړه ډاکټران او نور مجهز وسايل ځاى پر ځاى شوي دي.

د افغانستان اجرايه رييس ډاکټر عبدالله عبدالله د فرانسې له حکومت څخه مننه وکړه، چې د افغانانو لپاره يې د روغتيايي خدماتو دا څانګه جوړه کړه.

د ماشومانو لپاره د فرانسې  طبي انسـټيټيوټ له ٢٠٠٥ زېږديز کال راهيسې په کابل کې فعاليت کوي، دا يوه غير انتفاعي اداره ده، چې د فرانسې په مرسته چلېږي.

نښه: 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement