د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د ولسمشر یو سلاکار له ځانمرګي بريده روغ وتلى، خو دوه کسان وژل شوي

د ولسمشر یو سلاکار له ځانمرګي بريده روغ وتلى، خو دوه کسان وژل شوي

Apr 24, 2016 - 14:14

لښکرګاه (پژواک، ٥ غويى ٩٥): د ولسمشر سلاکار وزير له يوه بريده روغ وتلى، خو د يو قومي مشر په ګډون دوه تنه وژل شوي او دوه نور ټپیان دي.

د هلمند د والي وياند عمر ځواک د غويي په ٥مه پژواک خبري اژانس ته وويل چې نن غرمه مهال شاوخوا يوه بجه د ګرمسېر ولسوالۍ په بازار کې چاودنه شوې ده.

هغه زياته کړه چې په دې چاودنه کې دوه تنه وژل شوي او دوه نور ټپیان دي، خو نور جزئيات يې ور نه کړل.

خو د ګرمسېر ولسوال ايوب عمر عمري پژواک اژانس ته وويل چې د ولسمشر سلاکار وزير صالح محمد صفاري په دې ولسوالۍ کې تر يوې غونډې وروسته روان و چې د موټرو په کاروان کې يې چاودنه شوې ده.

د نوموړي په وينا، چاودنه د دې ولسوالۍ د قومي مشر او ټولنيزې شورا د غړي عبدالولي ضابط پر موټر شوې چې له امله يې د ضابط په ګډون دوه تنه وژل شوي او دوه پوليس ټپيان دي.

ولسوال وايي چې امکان لري دا چاودنه ځانمرګی بريد وي، خو زياتوي چې په اړه يې پلټنې روانې دي.

عمري وويل، عيني شاهدانو ويلي چې يو ځانمرګي د بازار په منځ کې د ياد قومي مشر موټر ته ختلى او ځان ته يې چاودنه ورکړې ده.

وسله والو مخالفينو تر اوسه په دې اړه څه نه دي ويلي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement