د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ولسمشر د دهمزنګ پېښې د ارزونې لپاره پلاوى توظيف کړ

ولسمشر د دهمزنګ پېښې د ارزونې لپاره پلاوى توظيف کړ

Jul 25, 2016 - 16:07

کابل (پژواک، ٤ زمرى ٩٥): ولسمشر اشرف غني د حکم له لارې دکابل په دهمزنګ کې د دردناکې پېښې د ارزونې په موخه يو پلاوی وګوماره.

دوه ورځې مخکې د کابل په دهمزنګ سيمه کې د ((جنبش روشنايي) د لاريون په منځ کې غبرګ ځانمرګي بريدونه وشول چې د وروستيو معلوماتو له مخې، په دې پېښه کې ٨٠ تنه وژل شوي او تر ٣٠٠ زيات ټپيان دي.

له ارګ څخه د زمري په ٤مه، پژواک خبري اژانس ته په يوه رالېږل شوې خبرپاڼه کې راغلي چې ولسمشر په دې اړه يو پلاوي ته دنده سپارلې، چې د يادې پېښې څرنګوالی ژر، دقيق او په هر اړخيزه توګه وڅېړي او خپل راپور ولسمشرۍ ته وړاندې کړي.

سرچينه کاږي، د دې حکم په اساس ياد پلاوی د هېواد د لوی څارنوال محمد فريد حميدي په مشرۍ جوړ شوى، چې په ترکيب کې يې د ژوند چاپيريال او طبيعي سرچينو په چارو کې د ولسمشرۍ ستر سلاکار ډاکټر عباس بصير، د ولسمشرۍ د عدلي او حقوقي چارو مشورتي بورډ رييس نصرالله ستانکزی، د ولسي جرګې غړې شاه ګل رضايي، د کورنيو چارو وزارت ارشد امنيتي مرستيال عبدالرحمان رحمان، د ملي دفاع وزارت د کشف او استخباراتو مرستيال ډګر جنرال هلال الدين هلال، د ملي دفاع وزارت د لوی درستيز مرستيال ستر جنرال مراد علي مراد، د اجراييوي رياست د وزيرانو شورا دارالانشا رييس نصرالله ارسلايي، د ملي امنيت د عمومي رياست ولايتي مرستيال عبدالمتين بيګ، د اجراييوي رياست استازی محمد ناطقي ، د چارو ادارې د عمومي رياست د دفاع او امنيت رييس تورنجنرال جانان بارکزی، د بشر د حقونو خپلواک کمېسيون استازی محمد موسی محمودي او د ولسي جرګې پخوانی غړی عباس نويان توظيف شوي دي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement