د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د برېتانيا لومړۍ وزیره: په وارسا ناسته کې پر خپلو کړو ژمنو ولاړ یو

د برېتانيا لومړۍ وزیره: په وارسا ناسته کې پر خپلو کړو ژمنو ولاړ یو

Jul 31, 2016 - 16:17

کابل (پژواک، ١٠ زمرى ٩٥): د برېتانيې نوې لومړۍ وزيرې له ولسمشر غني سره په ټيلېفوني خبرو کې له اداري فساد سره په مبارزه کې د افغانستان حکومت د اقداماتو هرکلى وکړ.

د ولسمشرۍ له مطبوعاتي دفتره پژواک خبري اژانس ته په رالېږل شوې خبرپاڼه کې راغلي چې ولسمشر محمداشرف غني او د برېتانیې نوې لومړۍ وزیرې ټېرېزا مي، پرون شپه ټيلېفوني خبرې وکړې.

سرچينه کاږي، د ټيلېفوني خبرو پر مهال دواړو لورو د سیمه ییزو اړیکو د پراختیا په ځانګړې توګه د افغانستان او برېتانیې د مناسباتو د پیاوړتیا په هکله وغږېدل.

سرچينه زياتوي، د برېتانیې نوې لومړۍ وزیرې ولسمشر غني ته له افغانستان سره د خپل هېواد د همکاریو د دوام ډاډ ورکړ او ويې ویل، برېتانیه خپلو هغو تعهداتو ته چې په وارسا ناسته کې يې کړې دي، ژمنه ده.

هغې له اداري فساد سره په مبارزه کې د افغانستان حکومت د اقداماتو هرکلی وکړ او ويې ویل: "د افغانستان حکومت له خوا فساد سره د مبارزې د بنسټونو له جوړېدو په ځانګړي ډول د درنو جرمونو د تحقیقاتو له برخې ملاتړ کوو."

د خبرپاڼې په حواله، ولسمشر غني له افغانستان سره په بېلابېلو برخو کې د برېتانیې له دوامدارې همکارۍ مننه وکړه او د دغه بهیر په دوام یې ټينګار وکړ.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement