د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

چارواکي: په حصارک کې د يو مهم قوماندان په ګډون ۱۵ وسله وال وژل شوي

چارواکي: په حصارک کې د يو مهم قوماندان په ګډون ۱۵ وسله وال وژل شوي

Sep 07, 2016 - 10:20

جلال اباد (پژواک، ۱۷ مه ۹۵): چارواکي وايي چې د ننګرهار په حصارک ولسوالۍ کې د پيل شوو عملياتو په ترڅ کې د يو قوماندان په ګډون ١٥ وسله وال وژل شوي دي.

پرون د دغه ولايت چارواکو په حصارک ولسوالۍ کې د (صاعقه حصارک) په نوم د نوو عملياتو د پيلولو خبر ورکړى و.

دغه عمليات وروسته له هغه پيل شول چې له تېرو دوو اونيو راهيسې وسله والو مخالفينو د ولسوالۍ مرکز ته نږدې ګڼې سيمې يې نيولې وې.

په ختيځ کې د ۲۰۱ سېلاب قول اردو له مطبوعاتي دفتره د وږي په ۱۷مه پژواک اژانس ته په راستول شوې خبرپاڼه کې راغلي چې ياد عمليات تېره ورځ د حصارک ولسوالۍ په مربوطاتو کې پيل شوې چې په ترڅ  کې يې د وسله والو مخالفينو د يوه قوماندان په ګډون ١٥ وسله وال وژل شوي دي.

سرچينې زياته کړې چې وژل شوى مخالف قوماندان حمزه نومېده.

په خبرپاڼه کې راغلي چې په دغو عملياتو کې د وسله والو مخالفينو وسلې او مهمات هم له منځه وړل شوي دي.

په ورته وخت کې د حصارک ولسوالۍ يوه اوسېدونکي قاسم خان هم پژواک ته وویل چې تېره شپه يې د درنو ډزو غږونه اورېدلي؛ خو د مرګ ژوبلې په اړه يې معلومات نه درلودل.

بلخوا وسله والو طالبانو په حصارک ولسوالۍ کې د خپلو ملګرو د وژل کېدو خبره رد کړې او ټينګار کوي چې په دې ولسوالۍ کې د دولتي ځواکونو له لورې هېڅ عمليات نه دي ترسره شوي.

د طالبانو وياند ذبيح الله مجاهد ادعا وکړه چې د حصارک ولسوالۍ مرکز له دوی سره دی او امنيتي ځواکونه يواځې په امنيې قوماندانۍ کې ورټول شوي دي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement