د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په ګيلان کې اته پوليس له وسله والو طالبانو سره يوځاى شوي

په ګيلان کې اته پوليس له وسله والو طالبانو سره يوځاى شوي

Mar 06, 2017 - 16:30

غزني ښار(پژواک،١٦کب٩٥): د غزني په ګيلان ولسوالۍ کې د يوې پوستې د قوماندان په ګډون اته پوليس له وسله والو طالبانو سره يوځاى شوي دي.

د غزني د امنيې قوماندانۍ وياند فهيم امرخېل د کب په١٦مه پژواک خبري اژانس ته وويل چې په ګيلان کې د يوې پوستې ټول پوليس له طالبانو سره يوځاى شوي دي.

هغه وويل: (( په دې پوسته کې د قوماندان په ګډون اته تنه وو چې ټول له وسلو سره طالبانو ته تسليم شوي دي.))

ده زياته کړه چې پوليسو په سيمه کې د يادو کسانو د بېرته نيونې په موخه پلټنې پيل کړې دي.

د ګيلان اوسېدونکي محمد شريف هم وويل چې په دې ولسوالۍ کې د يوې پوستې پوليس له طالبانو سره يوځاى شوي دي.

هغه وويل: (( په دې پوسته کې کندهاريان وو چې له تېرو دوه کلونو راهيسې په دې سيمه کې پوسته درلوده او نن طالبانو ته تسليم شوي دي.))

وسله وال طالبان هم دغه موضوع تاييدوي.

د دې ډلې وياند ذبيح الله مجاهد په خپله ټويټر پاڼه کې ليکلي: ((نن د غزني ګیلان ولسوالۍ د بختیارو د پوستې قوماندان ودود له ۷پولیسو، ۱۲ میله وسلو، ۱رینجر، ۴موټرسایکلونو او مهماتو سره له مجاهدینو سره یوځای شول.))

دا په داسې حال کې ده چې تر دې وړاندې هم د هېواد په بېلابېلو برخو کې يو شمېر امنيتي ځواکونه د افغان دولت له وسله والو مخالفينو سره يوځاى شوي دي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement