د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د ماین چاودنې يو ماشوم وژلى او څلور يې ټپيان کړي

د ماین چاودنې يو ماشوم وژلى او څلور يې ټپيان کړي

Apr 30, 2017 - 17:58

کندهار (پژواک، ۱۰ غويی ۹۶): د کندهار په شاولیکوټ ولسوالۍ کې پر ماشومانو د ماین چاودنه شوې، یو یې وژلی او څلور نور یې ټپيان کړي دي.

د کندهار د امنیې قوماندانۍ ویاند ضیا دراني، پژواک خبري اژانس ته وویل، دا پېښه د دغې ولسوالۍ په طغراق سیمه کې شوې ده.

هغه زیاته کړه، د سیمې پنځه ماشومان- چې عمرونه یې له ۱۰ تر ۱۷ کلونو دي- په لوبو بوخت وو چې د وسله والو مخالفینو له خوا ځای پر ځای شوی ماين ورباندې چاودېدلی دى.

د ده په خبره، په پېښه کې یوه ماشوم ژوند له لاسه ورکړی او  څلور نور ټپیان شوي دي.

دى وايي، ټپیان د کندهار ښار میرویس روغتون ته رسول شوي چې د ځینو ټپونه ژور دي.

بل خوا د همدې ولسوالۍ په سخر سیمه کې د وسله والو مخالفینو پر ضد د امنیتي ځواکونو له خوا عملیات شوي چې د دواړو لورو تر منځ جګړه هم شوې ده.

درانی زياتوي، په دې جګړه کې شپږ وسله وال وژل شوي چې مشهور طالب قوماندان ملا احمد هم په کې شامل دی.

د ده په خبره، په جګړه کې امنیتي ځواکونو ته زیان نه دی اوښتی.

دغه راز پولیسو د کندهار ښار د ۱۳مې او ۱۵مې امنیتي حوزو په اړوندو سیمو کې عملیات کړي چې پر مهال یې دوه تنه نیول شوي دي.

د امنیې قوماندانۍ ویاند وايي، نیول شوي کسان د وسله والو مخالفینو په لیکو کې په ورانکارو فعالیتونو بوخت وو چې اوس ورڅخه پوښتنې پیل شوې دي.

د دغو پېښو په اړه وسله والو طالبانو څه نه دي ويلي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement