د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پوليس: د کندهار په ميانشين کې ۲۱ وسله والو ته مرګ ژوبله اوښتې

پوليس: د کندهار په ميانشين کې ۲۱ وسله والو ته مرګ ژوبله اوښتې

May 02, 2017 - 18:21

کندهار (پژواک، ۱۲ غویی ۹۶): چارواکي وايي، په کندهار کې ٢١ وسله والو مخالفينو ته مرګ ژوبله اوښتې او هغه پوليس نيول شوى چې موده وړاندې یې په زابل کې خپل ملګري پوليس وژلي وو.

د کندهار د امنیې قوماندانۍ ویاند ضیا دراني چې نن له غرمې وروسته يې له پژواک خبري اژانس سره خبرې کولې، وويل چې له تېرې شپې راهيسې په ميانشين ولسوالۍ کې د دولتي ځواکونو او وسله والو مخالفینو تر منځ په نښتو کې ۸ مخالفين وژل شوي او ۱۳ نور ټپیان دي.

دی وايي چې په وژل شويو کسانو کې د وسله والو مخالفينو دوه سيمه ييز قوماندانان هم شامل دي.

د ده په وينا، په دغو نښتو کې دولتي ځواکونو او ملکي وګړو ته مرګ ژوبله نه ده اوښتې.

له تېرو څو اوونیو راهیسې په میانشین کې وخت په وخت د دولتي ځواکونو او وسله والو مخالفينو تر منځ د نښتو خبرونه خپرېږي.

د دولت وسله والو مخالفينو تر اوسه په دې اړه څه نه دي ویلي.

د کندهار د امنیې قوماندانۍ ویاند د جزيياتو له ورکولو پرته وويل، امنيتي ځواکونو هغه کس نيولى چې څه موده مخکې يې د زابل ولايت د شینکۍ ولسوالۍ د پولیسو په لیکو کې د دندې پر مهال د خپلې پوستې يو شمېر پوليس وژلي و او د هغوی وسلې یې له ځان سره وسله والو مخالفينو ته وړې وې.

د ده په وينا، دغه کس پوليسو د کندهار ښار د نهمې امنیتي حوزې په سيمه کې نیولى دی.

دی وايي، دغه کس یو ځل بیا د وسله والو مخالفینو په لمسون غوښتل د کندهار په خاکرېز ولسوالۍ کې د پولیسو په لیکو کې ځان شامل کړي او ورته عمل تر سره کړي ، خو د کشفي ارګانونو له خوا پېژندل شوی او نیول شوی دی.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement