د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

جېمز مټیس: د امریکا افغان ماموریت کې ښايي بدلون راشي

جېمز مټیس: د امریکا افغان ماموریت کې ښايي بدلون راشي

Jul 17, 2017 - 13:35

کابل (پژواک، ٢٦ چنګاښ ٩٦): د امريکا دفاع وزير وايي چې د افغانستان په اړه په نوې اعلانېدونکې تګلاره کې کېداى شي د امريکا د ماموريت څرنګوالي کې بدلون راشي.

د امريکايي رسنيو د معلوماتو له مخې، د امريکا د دفاع وزير جېمز مټيس له خبريالانو سره په خبرو کې  دا هم ويلي چې افغانستان په اړه په نوې تګلاره کې له پاکستان سره اړيکې هم شاملې وي.

نوموړي په دغه خبري کنفرانس کې افغانستان ته د نورو امريکايي سرتېرو لېږلو ته هم اشاره وکړه او ويې ويل چې کېداى شي تر پنځو زرو پورې نور سرتېري ولېږل شي.

د هغه په وينا، د افغانستان په اړه تګلاره په وروستيو مرحلو کې ده او شونې ده چې په نږدې راتلونکي کې اعلان شي.

د امريکا د دفاع وزير وويل چې په دې نوې تګلاره کې د پاکستان تر څنګ د سيمې نور هېوادونه او موضوعات هم شامل دي.

جيمز مټيس ويلي، کېداى شي په نوې تګلاره کې په  افغانستان کې د امريکايي ځواکونو د ماموريت څرنګوالي کې هم بدلونونه راشي.

د هغه په وينا، د مشرانو جرګې د وسله والو ځواکونو د کمېسيون مشر سناتور جان مکېن چې څه موده مخکې یې افغانستان ته سفر هم  کړى و، د نوې تګلارې په جوړولو کې مهم رول لوبولى دى.

نښه: 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement