د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ټرمپ : ژر به د افغانستان په اړه خپله تګلاره اعلان کړم

ټرمپ : ژر به د افغانستان په اړه خپله تګلاره اعلان کړم

Aug 11, 2017 - 10:36

کابل (پژواک ، ٢٠زمرى ٩٦) : د امريکا ولسمشر  وايي چې ډېر ژر به د افغانستان په اړه خپله تګلار اعلان کړي چې دا به د ده لپاره تر ټولو ستر  پرېکړه وي .

د امريکا ولسمشر ډونالډ ترمپ دغه څرګندونې  تېره ورځ  واشنګټن کې  د يوه خبري کنفرانس پرمهال کړې دي.

ټرمپ په داسې حال کې د افغانستان په اړه د خپلې تګلارې په هکله خبرې کړي چې يو شمېر امريکايي سناتورانو او نورو چارواکو د افغانستان امنيتي حالت نازک ښودلى  او له ټرمپ څخه يې غوښتي چې ژر د افغانستان په اړه خپله تګلاره بشپړه او اعلان کړي .

که څه هم د افغانستان په اړه د امريکا تګلاره يوځل مخکې جوړه شوې وه، خو بيا داسې راپورونه خپاره شول چې دغه تګلاره د ځينو مشورو او بدلونونو له امله وځنډول شوه .

د دې ترڅنګ  مشهور امريکايي سناتور جان مکن هم  د افغانستان  لپاره د خپلې ستراتيژۍ د اعلان خبر ورکړى دى .

يو شمېر رسنيو د هغه خبرې راخيستي او ويلي يې دي چې په افغانستان کې دې د طالبانو ، داعش او نورو ترهګرو ډلو پرخلاف  د امريکايي ځواکونو واکونه زيات شي .

دغه راز هغه ويلي چې  ترهګرو ته دې د پټنځايونو له امله  پر پاکستان پوځي، اقتصادي او سفارتي فشارونه زيات شي.

ده زياته کړې چې په افغانستان کې دې د امريکايي ځواکونو شمېر زيات او امريکايي افسران دې له افغان ځواکونو سره د جګړې په کرښو کې موجود وي .

هغه د طالبانو، داعش او نورو ترهګرو  ډلو پرخلاف د امريکايي کومانډو ځواکونو د پراخو عملياتو غوښتنه کړې ده .

د يادونې ده چې د افغانستان په اړه د امريکا د ولسمشر ټرمپ د نوې تګلارې  په هکله د افغان او امريکايي چارواکو ترمنځ له ډېرې مودې راهيسې مشورې روانې دي او  په دې لړ کې د امريکا د استخباراتو د رييس په ګډون يوشمېر امريکايي چارو کابل ته سفرونه کړي او ځينو يې له ولسمشر غني سره د ويډيو کنفرانس له لارې خپل تماسونه نيولي دي .

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement