د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

کابل کې چاودنې پنځو تنو ته مرګ ژوبله واړوله

کابل کې چاودنې پنځو تنو ته مرګ ژوبله واړوله

Aug 26, 2017 - 20:06

کابل، دوهم تعقيب (پژواک ٤ وږى ٩٦): د کابل پوليس وايي، د اتمې حوزې اړوند سيمه کې د ملي اردو په رينجر د ماين چاودنه کې دوه تنه وژل شوي او درې نور ټپيان دي.

دغه څرګندونې د کابل امنيه قومندانۍ وياند بصير مجاهد، پژواک خبري اژانس ته وکړې.

ده وويل، دغه چاودنه نن ماښام په څه کم ٧ بجو د اتمې حوزې اړوند په "يک لينګه" کوتل سيمه کې د ملي اردو په رينجر موټر کې د مقناطيسي ماين له امله رامنځ ته شوې ده.

هغه زياته کړه، په دې پېښه کې د ملي اردو يو سرتېرى او يو ملکي وګړى وژل شوي او درې ولسي وګړي ټپيان دي.

د مجاهد په وينا، د چاودنې پرمهال د رينجر ترڅنګ سراچه موټر روان و چې له امله يې ولسي کسانو ته مرګ ژوبله اوښتې ده.

د سيمې يو اوسېدونکى نجي الله وايي، د ماښام له لمانځه سره هممهال يې د چاودنې غږ واورېد او وروسته په سيمه کې د امبولانسونو د تګ راتګ اوازونه اورېدل کېدل.

د دې پېښې مسووليت تراوسه پورې چا نه دى منلى.

تېره ورځ هم، د کابل په خيرخانې سيمه کې پر يوه جومات بريد وشو او لسګونو کسانو ته په کې مرګ ژوبله واوښته.

د يوه بل خبر له مخې، په ننګرهار کې د ملي اردو د ساحوي کشف مدير د ناپېژاندو وسله والو له لوري ټپي شوى دى.

د والي وياند عطاءالله خوږياڼي، پژواک اژانس ته وويل چې دغه پېښه د جلال اباد ښار د څلورمې ناحيې اړوند په روښان مېنه کې ماښام ناوخته رامنځ ته شوې او په کې د ملي اردو د ساحوي کشف مدير احسان الله په ډزو ژوبل شوى او اوسمهال په روغتون کې تر درملنې لاندې دى.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement