د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پکتیکا او هلمند کې ۲۰ وسله وال وژل شوي

پکتیکا او هلمند کې ۲۰ وسله وال وژل شوي

Aug 28, 2017 - 12:12

ښرنه- لښکرګاه (پژواک، ٦ وږى ٩٦): په پکتيکا او هلمند ولايتونو کې د بېلابېلو پېښو په ترڅ کې ٢٠ وسله وال طالبان وژل شوي او يو شمېر نور ټپيان دي.

د پکتيکا سرپرست امنيه قوماندان دادالله خان هوتک د وږي په شپږمه پژواک خبري اژانس ته وويل چې تېره شپه د مټاخان ولسوالۍ اړوند د تودې په سيمه کې د سيمه ييزو پوليسو او وسله والو طالبانو تر منځ جګړه شوې ده.

هغه وايي چې په دې جګړه کې اووه وسله وال طالبان وژل شوي او څلور نور ټپيان دي.

نوموړي دا هم وويل چې د اورګون ولسوالۍ په دني سيمه کې د خپل ماین چاودنې درې طالبان وژلي او درې نور یې ټپيان کړي دي.

دغه راز هوتک وايي چې تېره شپه په ګيان ولسوالۍ کې هم د وسله والو طالبانو او سرحدي پوليسو ترمنځ جګړه شوې ده.

هغه وايي چې په دې جګړه کې د وسله والو طالبانو د يو سرګروپ مومن په ګډون پنځه کسان وژل شوي او درې نور ټپيان دي.

د هوتک په وينا، په دې جګړه کې دوه سرحدي پوليس هم وژل شوي دي.

د ګيان اوسېدونکي ګل اغا پژواک ته وويل چې په دې ولسوالۍ کې د امنيتي ځواکونو او وسله والو طالبانو تر منځ جګړې له امله يوه ښځه وژل شوې او درې ماشومان ټپيان دي.

وسله والو طالبانو د ګيان او مټاخان ولسواليو په اړه څه نه دي ويلي خو د دې ډلې وياند ذبيح الله مجاهد وايي چې په اورګون او خوشامند ولسواليو کې طالبانو ګڼو امنيتي سرتېرو ته مرګ ژوبله اړولې ده.

دغه راز د يو بل خبر له مخې، د هلمند په ګرمسېر ولسوالۍ کې پر وسله والو طالبانو خپل ماين چاودنه کړې ده.

د هلمند د امنيې قوماندانۍ وياند دويم څارن عبدالسلام افغان پژواک ته وويل چې دغه پېښه د ګرمسېر ولسوالۍ په ماجتک سيمه کې شوې ده.

هغه وايي چې په دې پېښه کې د يو قوماندان ملا محبوب په ګډون پنځه وسله وال طالبان ځاى پر ځاى وژل شوي دي.

همدارنګه په لښکرګاه کې يوې امنيتي سرچينې پژواک ته وويل چې تېره شپه په ناوې ولسوالۍ پر پوليسو د سړک غاړې ماين چاودنه کړې ده.

هغه وايي چې په دې چاودنه کې دوه پوليس وژل شوي دي.

وسله والو طالبانو په اړه تر اوسه څه نه دي ويلي.

د يادونې ده، د هلمند  باغران، دېشو، موسى کلا، نوزاد، خانشين او سنګين ولسواليو کنټرول له وسله والو طالبانو سره دى او د مرکز لښکرګاه د ځينو سيمو تر څنګ د نادعلي، واشير، مارجې، ناوې، ګرمسېر او ګرشک ولسواليو يواځې مرکزونه له حکومت سره دي او پاتې نورې سيمې د طالبانو په لاس کې دي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement