د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ننګرهار او لغمان کې ۱۴ داعش او طالب وسله والو ته مرګ ژوبله واوښته

ننګرهار او لغمان کې ۱۴ داعش او طالب وسله والو ته مرګ ژوبله واوښته

Sep 20, 2017 - 11:06

جلال اباد (پژواک، ۲۹ وږی ۹۶): ننګرهار او لغمان ولايتونو کې د هوايي بريد او ځانګړو افغان ځواکونو په عملياتو کې ۱۴ وسله والو ته مرګ ژوبله اوښتې او څلور نور يې ژوندي نيول شوي دي.

د لغمان د والي وياند سرحدي ځواک د وږي په ۲۹مه پژواک اژانس ته وويل، تېره شپه د افغان ځواکونو "صفر دوه " قطعې د غوڅ ملاتړ په همکارۍ د مرکز اړوند د الینګار د سیند ختیځې څنډې ته د پنج پای په سیمه کې عملیات کړي دي.

هغه زياته کړه، په دغو عملياتو کې د وسله والو طالبانو د یوه ډلمشر ګل محمد عدالت په ګډون  اووه وسله وال وژل شوي، درې ټپيان او څلور نور افغان ځانګړو ځواکونو ژوندي نيولي دي .

د ځواک د معلوماتو له مخې، ګل محمد عدالت او د هغه تروریستي ډلې په یاده سیمه کې په ډېری جنایتونو، د سړک غاړې ماینونو خښولو او د بې ګناه انسانانو په وینو تویولو کې لاس درلود، چې   دغه ډله له مخکې د افغان امنیتي او دفاعي ځواکونو تر څار لاندې وه.

د يو بل خبر له مخې، د ننګرهار هسکې مېنې ولسوالۍ کې څلور داعش وسله والو ته مرګ ژوبله اوښتې ده.

د ننګرهار د والي وياند عطاءالله خوږياڼي پژواک ته وويل، پرون ناوخته د هسکې مېنې ولسوالۍ ماڼوګانو سيمه کې د بې پيلوټه الوتکې د هوايي بريد په ترڅ کې دوه بهرني داعش وسله وال وژل شوي او دوه نور ټپيان دي.

هغه وايي، د دغه بريد په ترڅ کې د داعش وسله والو يو شمېر سپکې او درنې وسلې هم له منځه وړل شوې دي.

داعش او طالب وسله والو تراوسه د خپلو کسانو  د وژل کېدو په اړه نظر نه دی څرګند کړی.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement