د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

جنرال ثاقب: د عامه نظم پوليس په پوره امکاناتو د دښمن مقابلې ته چمتو دي

جنرال ثاقب: د عامه نظم پوليس په پوره امکاناتو د دښمن مقابلې ته چمتو دي

Oct 01, 2017 - 14:42

جلال اباد (پژواک، ۹ تله ۹۶): د عامه نظم پوليسو د عمومي قوماندانۍ مرستيال مل پاسوال سيداغا ثاقب وايي چې ټول پرسونل يې په عصري وسايلو مجهز شوى او د هېواد په هر ګوټ کې د وسله والو مقابلې ته بشپړ چمتوالی لري.

نوموړي دا څرګندونې د تلې په ٩مه د نورستان په وانټ وايګل ولسوالۍ کې د عامه نظم پوليسو له قرارګاه څخه د لېدنې پرمهال  وکړې او خپلو سرتېرو ته يې د وسله والو د بريدونو پرمهال  د ملاتړو ځواکونو د استولو  ډاډ ورکړ.

له جنرال ثاقب سره د دغې ليدنې پرمهال په ختيځ کې د عامه نظم د لوا قوماندان مل پاسوال نصير احمد ساپي هم ملتيا کوله او د هغو سرتېرو ستاينه يې وکړه چې پر وانټ وايګل ولسوالۍ د طالبانو د ډله ييز بريد پرمهال يې وړتيا ښوودلې وه.

شاوخوا دوه مياشتې وړاندې سلګونه وسله والو د نورستان پر وانټ وايګل ډله ييز بريد وکړ چې د امنيتي ځواکونو د مقاومت له امله وسله والو ته درنه مرګ ژوبله  اوښتې وه .

په ختيځ کې د عامه نظم پوليسو د لوا قوماندان مل پاسوال نصيراحمد ساپي په يادې ولسوالۍ کې خبريالانو سره د خبرو پرمهال وويل، چې له سفر څخه يې موخه د وانټ وايګل د تېرې جګړې پرمهال د هغو سرتېرو ستاينه ده  چې وړتيا يې ښودلې وه.

هغه وويل، د وانټ وايګل وروستۍ جګړه چې د زمري په ۴مه شوې وه ، د عامه نظم پوليسو په کې فعاله برخه اخيستې وه او تر ډېره جګړه همدوی مهار کړې وه.

دی وايي، اوس په دغه ولسوالۍ کې وسله والو د مخامخ جګړې توان له لاسه ورکړی او له نښان ويشتونکو وسلو  ګټه پورته کوي.

خو هغه ډاډ ورکړ  چې خپل سرتېري يې په زرهې واسکټونو او خولو سمبال کړي او د هغوی د بريدونو وېره ورسره نشته.

په همدې حال کې د عامه نظم پوليسو د عمومي قوماندانۍ مرستيال مل پاسوال سيداغا ثاقب وايي چې ټول پرسونل يې په عصري وسايلو مجهز شوى او د هېواد په هر ګوټ کې د وسله والو مقابلې ته بشپړ چمتوالی لري.

دی زياتوي، وروسته له هغه چې وسله والو په وانټ وايګل ډله ييز بريد وکړ، دوی خپل سرتېري ښه مجهز کړي او د دښمن مقابلې ته بشپړ چمتوالی لري.

د نوموړي په وينا، نه يوازې په وانټ وايګل ، بلکې په ټول هېواد کې يې د عامه نظم پوليس مجهز کړي او لا هم په دغه برخه کې هلې ځلې روانې دي.

د يادولو  ده چې د ياد سفر پرمهال د عامه نظم پوليسو دغو مسوولينو د وانټ وايګل ولسوالۍ يو شمېر د عامه نظم پوليسو ته ستايلينکونه هم ورکړل او دغه راز يې په نغدي مکافاتو ونازول.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement